„უკრაინაში გვჭირდება ლიდერი, რომელიც ითანამშრომლებს ჩვენთანაც და რუსეთთანაც“

აშშ-ს პრეზიდენტის მრჩეველმა ეროვნული უშიშროების საკითხებში მაიკ ვოლცმა განაცხადა, რომ შეერთებულ შტატებს უკრაინაში ისეთი ლიდერი ჭირდებათ, რომელიც ომის შეწყვეტის საკითხში ითანამშრომლებს როგორც ამერიკელებთან, ისე _ რუსებთან და დაამთავრებს ამ ომს. „თუ აშკარა იქნება, რომ პრეზიდენტ ზელენსკის პირადი თუ პოლიტიკური მოტივები არ იქნება თანხვედრაში ომის შეწყვეტასთან, მაშინ, ჩემი აზრით, ჩვენ სერიოზული პრობლემები გვექნება“, _ თქვა ვოლცმა. ვოლცმა განაცხადა, რომ უკრაინის ლიდერმა „სახალხოდ და პატიოსნად“ უნდა განაცხადოს, რომ “მზად არის წავიდეს მშვიდობისკენ“. მომზადებულია Українська правда-ს მასალებზე დაყრდნობით.