სროლა ვაზისუბანში-პოლიციამ ბრალდებული ცხელ კვალზე დააკავა

თბილისში, ვაზისუბანში მომხდარ სროლასთან დაკავშირებით "გურია ნიუსს" შინაგან საქმეთა სამინისტროში განუცხადეს, რომ პოლიციამ ბრალდებული ცხელ კვალზე დააკავა. შინაგან საქმეთა სამინისტროში ამბობენ, რომ მომხდართან დაკავშირებით გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მსუბუქ დაზიანებას გულისხმობს. თუმცა უწყებაში არ ადასტურებენ, რომ სროლა მამა-შვილის მისამართით გახორციელდა. ვრცელდება ინფორმაცია იმის შესახებაც, რომ სროლა ბაბუა და შვილიშვილის მისამართით მოხდა. სხვა დეტალები ამ დროისთვის უცნობია. ამავე თემაზე: თბილისში, სავარაუდოდ, მამა-შვილს ესროლეს