სისხლიანი გარჩევა თელავში _ “25 წლამდე კაცმა ჯერ მეზობელ ქალზე იძალადა, შემდეგ ძმები ცივი იარაღით დაჭრა”

თელავში ორი ახალგაზრდა დაჭრეს. შემთხვევა გვიან ღამით მოხდა. არსებული ინფორმაციით, გვიან ღამით, ურთიერთშელაპარაკების ნიადაგზე, ძმებს ცივი იარაღით რამდენიმე ჭრილობა მიაყენეს. შემთხვევა ალაზნის ქუჩაზე მოხდა. ადგილობრივების თქმით, 25 წლამდე კაცმა, ჯერ მეზობელ ქალზე ფიზიკურად იძალადა, რის შემდეგ ორი ახალგაზრდა დაჭრა. დაშავებულები სასწრაფო დახმარების ჯგუფმა თელავის რეფერალურ საავადმყოფოში მოათავსა, სადაც ორივე დაჭრილს ოპერაცია ჩაუტარდა. ექიმის თქმით, ამ ეტაპზე მათი ჯანმრთელობის მდგომარეობა დამაკმაყოფილებელია. გავრცელებული ინფორმაციით, პოლიციამ სავარაუდო დამნაშავე უკვე დააკავა. მომხდარის ზუსტი მიზეზი უცნობია, მომხდარზე დაწყებულია გამოძიება.