სირიაში 700-ზე მეტი მოქალაქე მოკლეს

ბოლო ორი დღის განმავლობაში სირიის უსაფრთხოების ძალებმა ასობით მშვიდობიანი მოქალაქე მოკლეს. ამის შესახებ დიდ ბრიტანეთში დაფუძნებული სირიის ადამიანის უფლებათა ობსერვატორია (SOHR) იუწყება. ორგანიზაციის ცნობით, დაახლოებით 745 ადამიანია მოკლული, რომლებიც ალავიტების რელიგიურ უმცირესობას მიეკუთვნებოდნენ. მოკლულებს შორის არიან ქალები და ბავშვები. სირიის ობსერვატორიის ცნობითვე, ბოლო ორი დღის განმავლობაში, სულ 1 000-ზე მეტი ადამიანი დაიღუპა, მათ შორის არის სირიის მთავრობასთან დაკავშირებული 125 მებრძოლი და ასადის მხარდამჭერი 148 პირი. სირიის ახალი მთავრობის წარმომადგენლების თქმით, ისინი გადაყენებული პრეზიდენტის, ბაშარ ალ-ასადის მხარდამჭერებს ებრძვიან. დედაქალაქ დამასკოს მეჩეთში საუბრისას, დროებითმა პრეზიდენტმა თქვა: ”ის, რაც ამჟამად სირიაში ხდება, მოსალოდნელი გამოწვევების ფარგლებშია”. მან ასევე განაცხადა, რომ მან დაიწყო გამოძიება ძალადობის ფაქტზე, რომელიც „გამოავლენს დამნაშავეებს“ და დამნაშავეებს სასამართლოს მიმართავს.