საქართველოსა და ბელარუსს შორის გასამართი საფეხბურთო მატჩი გადაიდო

საქართველოსა და ბელარუსს შორის გასამართი ერთა ლიგის "D" დივიზიონის პლეი-ოფის მატჩი გადაიდო. ამის შესახებ ინფორმაციას საქართველოს ფეხბურთის ფედერაცია ავრცელებს. აღნიშნული შეხვედრა 26 მარტს თბილისში, "დინამო არენაზე" უნდა გამართულიყო, თუმცა კორონავირუსის გამო თამაშის გამართვა შეუძლებელი გახდა. მატჩის ჩატარების ახალი თარიღი ჯერჯერობით უცნობია.