სამხედრო ბაზაზე აფეთქებას მსხვერპლი მოჰყვა, არიან დაშავებულები (ერაყი)

ერაყში, ბაღდადის მახლობლად მდებარე სამხედრო ბაზა „კალსუზე“ აფეთქება მოხდა. ამის შესახებ საკუთარ წყაროებზე დაყრდნობით Reuters-ი იტყობინება. სააგენტოს ცნობით, სამხედრო ბაზაზე, რომელსაც შიიტური „ალ ჰაშდ აშ შააბი“ („სახალხო მობილიზაციის ძალები“) იყენებს, ავიაიერიში განხორციელდა. Agence France Presse ერაყის შსს-ში საკუთარ წყაროზე დაყრდნობით წერს, რომ იერიშს ერთი ადამიანი ემსხვერპლა, 8 კი დაშავდა.