საავტომობილო გზების დეპარტამენტი არაგვის ხიდის შესახებ განცხადებას ავრცელებს

საავტომობილო გზების დეპარტამენტის განცხადებით, მდინარე არაგვის ხიდზე ასფალტის საფარი იგება და მოძრაობა დღეს აღდგება. "საერთაშორისო მნიშვნელობის თბილისი-სენაკი-ლესელიძის საავტომობილო გზის 26-ე კმ-ზე, მდინარე არაგვის ხიდზე ასფალტ-ბეტონის საფარის მოწყობა მიმდინარეობს. დაზიანებული ფილის აღდგენის სამუშაოები დასრულებულია. ხიდზე ავტოტრანსპორტის მოძრაობა დღესვე აღდგება სრულად. შეგახსენებთ, რომ მდინარე არაგვის ხიდი აშენებულია გასული საუკუნის 70-იან წლებში და ხშირად საჭიროებს სავალი ნაწილის შეკეთებას. 2024 წელს მომზადდა მდინარე არაგვზე ახალი ხიდის მშენებლობის პროექტი და უახლოეს მომავალში დაიწყება სამშენებლო სამუშაოები",_ აცხადებს საავტომობილო გზების დეპარტამენტი.