რუსეთმა ხარკოვის ოლქიდან ჯარების გაყვანის ბრძანება გასცა

რუსეთმა ხარკოვის ოლქიდან ჯარების გაყვანის ბრძანება გასცა. ამის შესახებ ინფორმაციას ბრიტანეთის დაზვერვა ავრცელებს. გარდა ამისა, დიდი ბრიტანეთის დაზვერვის ინფორმაციით, უკრაინამ, ხარკოვის ოლქში, სულ მცირე ლონდონის რაიონზე (Greater London – 1,569 კმ²) ორჯერ დიდი ტერიტორია დაიბრუნა. „ამ სექტორში მხოლოდ იზოლირებულ ადგილებში რჩება წინააღმდეგობა. უკრაინის კონტრშეტევის პირისპირ დარჩენილმა რუსეთის სარდლობამ, სავარაუდოდ, მდინარე ოსკილის დასავლეთ სანაპიროდან, ოკუპირებული ხერსონის ოლქიდან თავისი ჯარების გაყვანის ბრძანება გასცა,“ – წერს უწყება. დაზვერვის მიერვე გავრცელებული ინფორმაციით, პარალელურად, სამხრეთში, ხერსონთან, მდინარე დნეპრის გასწვრივ, რუსეთის მთელი ძალით ცდილობს საკმარისი რესურსების მობილიზებას.