რუსეთმა საკონტინენტთაშორისო ბალისტიკური რაკეტა გამოსცადა

რუსეთის თავდაცვის სამინისტრომ ბირთვული იარაღის წარმატებული გაშვების შესახებ ვიდეო გამოაქვეყნა. BBC-ის ინფორმაციით, ახალი სუპერმძიმე საკონტინენტთაშორისო ბალისტიკური რაკეტა Sarmat გაუშვეს პლესეცკის კოსმოსური პორტიდან და დაეშვა რუსეთის მეორე მხარეს, შორეულ აღმოსავლეთ კამჩატკას ნახევარკუნძულზე. პრეზიდენტმა პუტინმა თქვა, რომ ეს დასაფიქრებელია მათთვის, ვინც ცდილობს რუსეთს დაემუქროს.