რამდენი ვიდეოჯარიმა გამოიწერა გურიაში

შინაგან საქმეთა სამინისტრომ 2025 წლის პირველ კვარტალში გამოწერილი ვიდეოჯარიმების სტატისტიკა გამოაქვეყნა. მონაცემები 1 იანვრიდან 15 აპრილამდე პერიოდს მოიცავს. აღნიშნული ინფორმაციის თანახმად, გურიაში 16912 ვიდეოჯარიმა გამოიწერა. ჯარიმების სახით დარიცხულმა თანხამ 890 600 ლარი შეადგინა. 8205 შემთხვევაში მოხდა 20%-იანი შეღავათით სარგებლობა. შეღავათით გადახდილმა თანხამ 343 177 ლარი შეადგინა.