რამდენად საშიშია კორონავირუსის ახალი შტამი და რა სიმპტომები ახასიათებს მას

Reuters აშშ-და და ევროპის ქვეყნების ჯანდაცვის სამინისტროებზე დაყრდნობით წერს, რომ მსოფლიოში კორონავირუსის ახალი ვარიანტის EG.5 შემთხვევები მკვეთრად იზრდება. ცნობილია, რომ EG.5 იგივე „ერისი“ კორონავირუსის „ომიკრონის“ ქვევარიანტი. საზოგადოებრივი ჯანდაცვის ექსპერტი გიორგი ფხაკაძე ამბობს, რომ ახალი ვარიანტი უკვე საქართველოშია. „ერთი კარგი ამბავი ისაა, რომ არ არის ძალიან „მძიმე“, მაგრამ რისკის ჯგუფში მყოფი ადამიანებისთვის, არის საშიში“. ჯანმოს განცხადებით, ახალი შტამით გავრცელების დინამიკას ყურადღებით აკვირდებიან, რადგან მისი მუტაცია შესაძლოა, სწრაფად გავრცელდეს. ბოლო მონაცემებით, „ერისით“ დაინფიცირების შემთხვევები მსოფლიოს 50 ქვეყანაშია დაფიქსირებული. ჯერ საკმარისი კლინიკური ნიშნები არ არსებობს, თუ კონკრეტულად რა სიმპტომები ვლინდება ახალი შტამის არსებობის შემთხვევაში, თუმცა, ეს ძალიან ჰგავს უკვე ბევრისთვის ნაცნობ ომიკრონის სიმპტომებს. ყელის ტკივილი; თავის ტკივილი; კუნთების ტკივილი; შეცვლილი/დაკარგული ყნოსვა. "პრაიმტაიმი"