რა ეტაპზეა გზის სარეაბილიტაციო სამუშაოები ნასაკირალზე

საავტომობილო გზების დეპარტამენტი ნასაკირალის გზის მონაკვეთზე მიმდინარე სარეაბილიტაციო სამუშაოების შესახებ ინფორმაციას ავრცელებს. "გურიის რეგიონში შიდასახელმწიფოებრივი მნიშვნელობის საჯავახო - ჩოხატაური - ოზურგეთი - ქობულეთის საავტომობილო გზის ნასაკირალის მონაკვეთის (კმ 35-კმ 43.6) რეაბილიტაცია აქტიურად მიმდინარეობს. პროექტის ფარგლებში რეაბილიტაცია უტარდება 9.3 კილომეტრიან მონაკვეთს. ამ ეტაპზე, საგზაო სამოსის მომზადება და ასფალტ-ბეტონის საფარის დაგება მიმდინარეობს. პროექტი, მსოფლიო ბანკის ფინანსური მხარდაჭერით ხორციელდება. მისი ღირებულება 8.1 მლნ. ლარია",_ნათქვამია ინფორმაციაში.