ქუჩაში ადამიანები “ვაგნერის” დროშებით დგანან და კომპლიმენტებს გვეუბნებიან – პრიგოჟინი

"ვაგნერის" დამფუძნებელი და ხელმძღვანელი, ევგენი პრიგოჟინი მორიგ მიმართვას ავრცელებს, სადაც ამბობს, რომ ქვეყანა მხარს მას უჭერს. მისივე თქმით, "ვაგნერს" გადაადგილებისას არ შეუწირავს არცერთი ადამიანის სიცოცხლე, ხოლო ხალხი ქუჩებში "ვაგნერის" დროშებით დგას. "რატომ გვიჭერს მხარს ქვეყანა? რადგან ჩვენი მოძრაობა "სამართლიანობის მარშია". ჩვენს თავს გვესხმოდნენ - თავიდან არტილერიით, შემდეგ ვერტმფრენებით. გადაადგილებისას ერთი ტყვიაც კი არ გაგვისვრია - არ შევხებივართ არცერთ წვევამდელს, არ მოგვიკლია არც ერთი ადამიანი. ერთი გასროლის გარეშე მივედით როსტოვამდე და ავიღეთ შტაბის შენობა, არც ერთი ადამიანის მუშაობისთვის ხელი არ შეგვიშლია. ქუჩაში ადამიანები "ვაგნერის" დროშებით დგანან და კომპლიმენტებს გვეუბნებიან,"- აცხადებს ევგენი პრიგოჟინი.