პრემიერ-მინისტრის კანდიდატურას „ოცნება“ დღეს ოფიციალურად დაასახელებს

პოლიტიკური გაერთიანება „ქართული ოცნება“ პარტიის პოლიტსაბჭოს სხდომასა და ყრილობას დღეს გამართავს. პოლიტსაბჭოზე ოფიციალურად დამტკიცდება პრემიერის კანდიდატურა, რომელზეც გავრცელებული ინფორმაციით, ირაკლი კობახიძეა წარდგენილი. ყრილობა კი, რომელიც 14:00 საათზე დაიწყება, პარტიის ახალ თავმჯდომარეს აირჩევს, რა თანამდებობაზეც ირაკლი ღარიბაშვილია დასახელებული. სამთავრობო ცვლილებები მას შემდეგ გახდა საჭირო, რაც 29 იანვარს ირაკლი ღარიბაშვილმა პრემიერობიდან წასვლის შესახებ განაცხადა.