ლაშა ბექაური მოგებულ მილიონზე: მინდა ბებიაჩემი და დეიდაჩემი დავაბრუნო ემიგრაციიდან

ოლიმპიური ჩემპიონი ლაშა ბექაური გამარჯვების შემდეგ სახელმწიფოსგან მიღებული მილიონი ლარით ემიგრაციაში მყოფი ბებიისა და დეიდის საქართველოში დაბრუნებას აპირებს. ამის შესახებ მან "TV პირველის" ეთერში ისაუბრა. "პირველ რიგში, ბებიაჩემი და დეიდაჩემი არიან საბერძნეთში, იქ მუშაობენ, ემიგრანტები არიან და მინდა ისინი ჩამოვიყვანო საქართველოში... ზოგადად, არ მიფიქრია, რას ვუზამ მილიონს. პირველ რიგში, მინდა ეს", - თქვა ლაშა ბექაურმა.