ლანჩხუთში მე-3 დღეა ინფიცირების შემთხვევა არ დაფიქსირებულა

ლანჩხუთში ბოლო 3 დღის განმავლობაში კორონავირუსით ინფიცირების შემთხვევა არ დაფიქსირებულა. ამის შესახებ „გურია ნიუსს“ ლანჩხუთის საზოგადოებრივი ჯანდაცვის ცენტრის ხელმძღვანელმა ნატო მენაღარიშვილმა განუცხადა. მენაღარიშვილის თქმით, სულ დაფიქსირებულია კორონავირუსის 2305 შემთხვევა, გამოჯანმრთელებულია 2215, გარდაცვლილია 38. აქტიურია ინფიცირების 52 შემთხვევა.