ჯარიმა 100-დან 300-ლარამდე განისაზღვრა _ კანონი დღეიდან ამოქმედდა

2025 წლის 1-ლი იანვრიდან ამოქმედდა ადმინისტრაციულ სამართალდარღვევათა კოდექსი, რომელიც ითვალისწინებს ზედმეტი ხმაურის შემთხვევაში ავტომობილთა მძღოლების დაჯარიმებას. კერძოდ, დოკუმენტის თანახმად, იმ სატრანსპორტო საშუალების მართვა, რომლის ექსპლუატაციისას წარმოქმნილი ხმაური საქართველოს კანონმდებლობით დადგენილ ნორმას აღემატება, გამოიწვევს პირის დაჯარიმებას 100 ლარის ოდენობით. განმეორებით შემთხვევაში ჯარიმა 200 ლარი იქნება, ხოლო კიდევ შემდეგ ჯერზე ავტომობილის მძღოლი 300 ლარით დაჯარიმდება.