ისტორიაში პირველად საქართველომ პარაკანოეში მედალი მოიპოვა

ისტორიაში პირველად საქართველომ პარაკანოეში მედალი მოიპოვა. ინფორმაციას სპორტის სამინისტრო ავრცელებს. "პოლონეთის ქალაქ პოზნანში მსოფლიოს თასის გათამაშება მიმდინარეობს პარაკანოეში. საქართველოს სახელით მოასპარეზე პარასპორტსმენმა სერჰი იემელიანოვმა (KL3 კატეგორია) 200-მეტრიან დისტანციაზე პირველი ადგილი დაიკავა. პარაკანოეში ეს საქართველოსთვის მოპოვებული პირველი მედალია. სპორტსმენმა 200-მეტრიანი დისტანცია 40,77 წამში დაფარა და ოქროს მედალს დაეუფლა",_ აცხადებს სპორტის სამინისტრო.