ისრაელმა სირიის დედაქალაქზე საჰაერო იერიში მიიტანა

ისრაელის საჰაერო ძალებმა შაბათს გვიან ღამით განახორციელეს საჰაერო დარტყმა დამასკოს საცხოვრებელ უბნებზე. როგორც სირიაში აცხადებენ, საჰაერო იერიშის შედეგად ხუთი ადამიანი დაიღუპა. დაღუპულებს შორის 4 მოქალაქე და 1 სამხედროა. დაშავებულია 15 ადამიანი. როგორც The Times of Israel იუწყება, ისრაელის თავდაცვის ძალებს კომენტარი არ გაუკეთებიათ.