ისრაელმა ღაზას სექტორის უდიდეს ქალაქს ალყა შემოარტყა

REUTERS-ის ინფორმაციით, ისრაელმა განაცხადა, რომ ალყა შემოარტყა ღაზას სექტორის უდიდეს ქალაქს და მიზნად ისახავს ჰამასის განადგურებას. "ჩვენ ბრძოლის სიმაღლეზე ვართ. ჩვენ მივაღწიეთ შთამბეჭდავ წარმატებებს და გავიარეთ ღაზას გარეუბანში. ჩვენ წინ მივდივართ", - განაცხადა ნეთანიაჰუმ მას შემდეგ, რაც სამხედროებმა განაცხადეს, რომ ალყა შემოარტყეს ზღვისპირა ანკლავის მთავარ ქალაქს. აშშ-ს სახელმწიფო მდივანის, ენტონი ბლინკენის განცხადებით, ვაშინგტონი განიხილავს კონკრეტულ ნაბიჯებს ღაზაში მშვიდობიანი მოსახლეობისთვის ზიანის შესამცირებლად. თეთრ სახლში აცხადებენ, რომ ბრძოლის ნებისმიერი პაუზა დროებითი და ლოკალიზებული უნდა იყოს. პალესტინელ მშვიდობიან მოსახლეობას შორის მზარდმა მსხვერპლმა, საკვების, წყლის, მედიკამენტების და საწვავის მწვავე დეფიციტმა, გააძლიერა გლობალური ლიდერების მოწოდებები ბრძოლის შეჩერების ან ცეცხლის შეწყვეტის შესახებ.