ილონ მასკი: „დახურეთ „ამერიკის ხმა“ და რადიო „თავისუფლება“

ამერიკელი ბიზნესმენის და აშშ-ის მთავრობის ეფექტურობის დეპარტამენტის (DOGE) ხელმძღვანელი ილონ მასკი სოციალურ ქსელ X-ში წერს, რომ „ამერიკის ხმა“ და რადიო „თავისუფლება“ უნდა დაიხუროს. „დიახ, დახურეთ ისინი. ევროპა ახლა თავისუფალია (არ ჩავთვლით მახრჩობელ ბიუროკრატიას). გამარჯობა?? მათ აღარავინ უსმენს. უბრალოდ, რადიკალური მემარცხენე გიჟები ელაპარაკებიან საკუთარ თავს და წვავენ აშშ-ს გადამხდელთა ფულს _ 1 მილიარდ დოლარს წელიწადში“, _ წერს მასკი.