გურიაში მცხოვრებ 43 შშმ პირს სამედიცინო ეტლები საჩუქრად გადაეცათ

გურიაში სახელმწიფო რწმუნებულის მოადგილეები ქეთევან მოისწრაფეშვილი და ზაზა შოშიტაიშვილი, ადგილობრივი ხელისუფლების წარმომადგენლებთან ერთად საერთაშორისო ასოციაცია ,,საქართველოს ქალები მშვიდობისა და სიცოცხლისათვის“ თავმჯდომარეს მაია კვეზერელი-კოპაძეს შეხვდნენ. გურიის სამხარეო ადმინისტრაციის, მუნიციპალიტეტებისა და ასოციაციის კოორდინირებული მუშაობის შედეგად გურიაში მცხოვრებ 43 შშმ პირს სამედიცინო ეტლები საჩუქრად გადაეცათ. ასევე, სოფელ საჭამიასერის საბავშვო ბაღმა ეზოს გასართობი ინვენტარი მიიღო.