გურიაში ყინვას ელოდებიან-მოსალოდნელი პროგნოზი

გურიაში დღესაც და ხვალაც ითოვებს. თოვის ინტენსივობა დაიკლებს, თუმცა 18 იანვრის ღამეს ყინვა გაძლიერდება. ამის შესახებ "გურია ნიუსს" გარემოს ეროვნული სააგენტოს მოკლევადიანი პროგნოზის ბიუროს ხელმძღვანელმა, დოდო გვაზავამ განუცხადა. "18 იანვარს ღამით ყინვა გაძლიერდება. დაბლობ რაიონში -5 გრადუსამდე, მაღალ მთიანში -10 გრადუსი, ხოლო ბახმაროს და მიმდებარე ტერიტორიაზე შესაძლოა -17 გრადუსსაც კი გადააჭარბოს. თოვა შენარჩუნდება 19-20 იანვარსაც, რის გამოც ყინვა განახევრდება",_ ამბობს გვაზავა.