გია ვოლსკი – არავინ უნდა ელოდოს, რომ რუსეთი ტაშფანდურით გადმოგცემს იმას, რაც სააკაშვილმა ჩააბარა 2008 წელს

არავინ უნდა ელოდოს, რომ რუსეთი აიღებს და ტაშფანდურით გადმოგცემს იმას, რაც სააკაშვილმა ჩააბარა 2008 წელს, მუშაობაა საჭირო – უპასუხა „ქართული ოცნების“ დეპუტატმა გია ვოლსკიმ, ჟურნალისტის კითხვას, სერგეი ლავროვის განცხადებასთან დაკავშირებით, რომლის მიხედვითაც, „რუსეთი მზადაა, საქართველოს, აფხაზეთსა და სამხრეთ ოსეთს ურთიერთობების ნორმალიზებაში დაეხმაროს“ . მისი თქმით, ახლა უნდა ვიწვალოთ და დავუბრუნდეთ ფორმატებს, რომლის გამოცდილებაც გაგვაჩნია „ოპოზიციის განცადებები მოვისმინთ ლავროვის თემასთან დაკავშირებით, ჩააბარეს რუსეთს ტერიტორიების 20%, ყველაფერი გააკეთეს, რათა გაძლიერებულიყვნენ სამხრეთ კავკასიაში. თვითონ ფაქტი იმისა, რომ ჩვენ რუსეთი ხელს არ შეგვიშლის, რათა პირდაპირი ურთიერთობა გვქონდეს, ეს არ არის ცუდი მესიჯი. მთავარია, როგორ გამოიყენებ, არავინ უნდა ელოდოს, რომ რუსეთი აიღებს და ტაშფანდურით გადმოგცემს იმას, რაც სააკაშვილმა ჩააბარა 2008 წელს, მუშაობაა საჭირო. ევროკავშირი თავის დროზე ჩაერთვება თავისი უშველებელი პროგრამებით, საერთოდ, გამოცდილება ურთიერთობისა გვაქვს, ვიდრე ჩაშლიდა სააკაშვილის მავნებელი ხელისუფლება, თუმცა ფორმატები არსებობდა. ახლა უნდა ვიწვალოთ და დავუბრუნდეთ ფორმატებს, რომლის გამოცდილებაც გაგვაჩნია“, – განაცხადა ვოლსკიმ.