გაზგასამართი სადგური აფეთქდა – არის მსხვერპლი, არიან დაშავებულები (რუმინეთი)

რუმინეთში თხევადი გაზის სადგურზე მომხდარი ორი აფეთქების შედეგად ერთი ადამიანი დაიღუპა, 46 კი დაშავდა. დაშავებულებს შორის 26 მეხანძრეა. ხელისუფლების განცხადებით, დაშავებულებიდან რვას მძიმე დამწვრობები აქვს მიღებული, მათი გადაყვანა საზღვარგარეთ საავადმყოფოში იგეგმება. ტერიტორიიდან 700 მეტრის რადიუსში ხალხის ევაკუაცია განხორციელდა. რუმინეთის სასწრაფო დახმარების განყოფილების ხელმძღვანელის თქმით, არსებობს სხვა ტანკერების აფეთქების რისკიც. მომხდარზე დაწყებულია გამოძიება.