ევრო 2024-ში საქართველოს საფეხბურთო ნაკრების მონაწილეობის აღსანიშნავად ოქროსა და ვერცხლის საკოლექციო მონეტების გაყიდვა უახლოეს მომავალში დაიწყება

საქართველოს ეროვნული ნაკრების წარმატებიდან გამომდინარე საქართველოს ეროვნული ბანკის არაჩვეულებრივი იდეა, რომელიც უკვე განხორციელდა. „ევრო 2024-ში მონაწილეობის აღსანიშნავად უმაღლესი სინჯის ოქროსა და ვერცხლის საკოლექციო მონეტების გაყიდვა უახლოეს მომავალში დაიწყება. მონეტები მათზე დატანილი სიმბოლოების გამო ყოველთვის დადებით ემოციებთან იქნება დაკავშირებული. ქეთევან ქარდავა პირველია, ვინც დამზადებული მონეტები ნახა და „იმედის კვირისთვის“ ექსკლუზიური რეპორტაჟი მოამზადა ვილნიუსიდან“, - აღნიშნა ტელეკომპანია „იმედის“ გენერალური დირექტორის მოადგილემ, გადაცემა „იმედის კვირის“ წამყვანმა, ირაკლი ჩიხლაძემ საკოლექციო მონეტების შესახებ ექსკლუზიური რეპორტაჟის წარდგენისას. წყარო: businessinsider