დაიკითხება თუ არა ირაკლი კობახიძე მზია ამაღობელის საქმეზე

ამ წუთებში ქალაქ ბათუმის საქალაქო სასამართლოში “ბათუმელების” და “ნეტგაზეთის” დამფუძნებლის მზია ამაღლობელის სასამართლო პროცესი დაიწყო. მზია ამაღლობელის ადვოკატებმა სასამართლოს შესთავაზეს, დაიკითხოს „ქართული ოცნების" პრემიერ-მინისტრი ირაკლი კობახიძე, ვინაიდან მან რამდენიმე დღის წინ ვრცლად ისაუბრა მზია ამაღლობელის საქმეზე. "მან დაარღვია უდანაშაულობის პრეზუმფცია, მან ბრალი დასდო ამაღლობელს, რომ იგი მოქმედებდა დავალებით და ა. შ." _ თქვა მზია ამაღლობელის ადვოკატმა. ადვოკატები, ასევე, სვამენ კითხვას, რატომ ჰქონდა მზია ამაღლობელის საქმეზე პრემიერ-მინისტრს წვდომა. პროკურორი ეწინააღმდეგება ამ შუამდგომლობას, საქმის მოსამართლე კი ამ წინადადებაზე გადაწყვეტილებას შემდეგ სასამართლო პროცესზე გამოაცხადებს.