ავტომობილი სამგზავრო მიკროავტობუსს დაეჯახა

ხელვაჩაურში, ჭოროხის შემოვლით გზაზე, ავარია მოხდა. ერთმანეთს მსუბუქი ავტომობილი და სამგზავრო მიკროავტობუსი დაეჯახა. თვითმხილველთა თქმით, ავარიის შედეგად დაშავებულები სასწრაფო დახმარების სამსახურმა კლინიკებში გადაიყვანა. შსს-ს თქმით, ავარიის შედეგად არავინ გარდაცვლილა. ამ ეტაპზე ადგილზე მუშაობენ შესაბამისი სამსახურები – პატრული და სასწრაფო დახმარების ჯგუფი. ავარიის გამო დროებით შეზღუდული იყო მოძრაობა ჭოროხის შემოვლით გზაზე. ჭოროხის შემოვლითი გზით სარგებლობა მოქალაქეებმა მას შემდეგ დაიწყეს, რაც გზების დეპარტამენტმა ბათუმი-ხელვაჩაურის დამაკავშირებელი გზა სარემონტო სამუშაოების გამო ჩაკეტა. წყარო: batumelebi