აპირებს თუ არა რუსეთი ნატოზე თავდასხმას – რას ამბობს პუტინი

რუსეთი არ დაესხმება თავს ნატოს არც ერთი ქვეყანას და არ დაესხმება პოლონეთს, ბალტიისპირეთის ქვეყნებსა და ჩეხეთს, მაგრამ თუ დასავლეთი უკრაინას F-16-ის გამანადგურებლებს მიაწოდებს, მათ რუსული ძალები ჩამოაგდებენ,_ განაცხადა პრეზიდენტმა ვლადიმერ პუტინმა ოთხშაბათს გვიან ღამით. 2022 წლის თებერვალში უკრაინაში რუსეთის შეჭრამ გამოიწვია ყველაზე ღრმა კრიზისი რუსეთის ურთიერთობებში დასავლეთთან 1962 წლის კუბის სარაკეტო კრიზისის შემდეგ. „თუ ისინი მიაწოდებენ F-16-ებს და საუბრობენ ამაზე და აშკარად ამზადებენ პილოტებს, ეს არ შეცვლის სიტუაციას ბრძოლის ველზე. ჩვენ გავანადგურებთ ამ თვითმფრინავებს ისევე, როგორც დღეს ვანადგურებთ ტანკებს, ჯავშანტექნიკას და სხვა აღჭურვილობას, მათ შორის მრავალ რაკეტსასროლ იარაღს",_ განაცხადა პუტინმა. პუტინმა თქვა, რომ F-16-ს ბირთვული იარაღის ტარებაც შეუძლია. „რა თქმა უნდა, თუ ისინი გამოყენებული იქნება მესამე ქვეყნების აეროდრომებიდან, ისინი ჩვენთვის ლეგიტიმური სამიზნეები გახდებიან, სადაც არ უნდა იყოს განთავსებული“, - განაცხადა პუტინმა.