“ოცნების” ხმოსნებმა მიხეილ ყაველაშვილი საქართველოს პრეზიდენტად აირჩიეს

გამსახურდია, შევარდნაძე, სააკაშვილი, მარგველაშვილი, ზურაბიშვილი, ყაველაშვილი._ 300-წევრიანმა კომისიამ, საქართველოს პრეზიდენტად მიხეილ ყაველაშვილი აირჩია. ყაველაშვილის სასარგებლოდ ხმა 224-მა ხმოსანმა მისცა. მას მხარი არ დაუჭირა აფხაზეთის უმაღლესი საბჭოს წევრმა, ადა მარშანიამ, რომელმაც თქვა, რომ ყაველაშვილის კანდიდატურა არ მოსწონს. პროცესში მონაწილეობა არ მიუღია ოპოზიციას. ცენტრალური საარჩევნო კომისიის თავმჯდომარის თქმით, კენჭისყრაში მონაწილეობა მიიღო 225-მა წევრმა, საიდანაც ბათილია 1 ბიულეტენი.