სპეცრეჟიმი რიკოთზე – როგორ დადის საქალაქთაშორისო ტრანსპორტი

რიკოთის საუღელტეხილო მონაკვეთზე, მსუბუქი და სამგზავრო ავტოტრანსპორტის მოძრაობა ისევ სპეცრეჟიმით ხდება. რაც ითვალისწინებს, რომ მსუბუქი ავტოტრანსპორტის და ავტობუსების (მათ შორის 30 ადგილზე მეტი ტევადობის) მოძრაობა დასაშვებია 07:00 სთ-დან 19:00 სთ-მდე. ხოლო, დანარჩენი სახის ავტოტრანსპორტის მოძრაობა აკრძალულია. მისაბმელიანი, ნახევრადმისაბმელიანი ავტოტრანსპორტის და სატვირითო ავტომობილების (3500კგ>) მოძრაობა დასაშვებია 21:00 სთ-დან 06:00 სთ-მდე, რევერსულად. ხოლო, დანარჩენი სახის ავტოტრანსპორტის მოძრაობა აკრძალულია. "გურია ნიუსმა" სცადა გაერკვია, თუ როგორ იმოქმედა დაწესებულმა შეზღუდვებმა საქალაქთაშორისო ტრანპოსრტის მოძრაობაზე. როგორც ავტოსადგურ "დედაქალაქში" გვითხრეს, 6 საათის შემდეგ წამსვლელი ტრანსპორტი შემოვლითი გზით მიდის, ხოლო დღის დანარჩენ საათებში რიკოთის უღელტეხილით მიდიან. "5 საათზე გამსვლელი ტრანსპორტი კიდევ ასწრებს რიკოთის გავლას, მაგრამ 6 საათის შემდეგ რაც მიდის ან მოდის, შემოვლითი გზით დადის. ასევე ღამის ტრანსპორტიც, რომლებიც 11 და 12 საათზე გადიან",_ გვითხრეს ავტოსადგურში. შეგახსენებთ, რომ სპეციალური რეჟიმის დაწესება თბილისი–სენაკი–ლესელიძის საავტომობილო გზის 147-ე კილომეტრთან (ჩუმათელეთი-ხევის მონაკვეთზე) განვითარებულმა მეწყრულმა პროცესებმა გამოიწვია.